გამოღვიძება გამონაბოლქვივით ყარს,
როგორც სიცხე და ფარდები,
ჩემ გვერდით სძინავს უცხო სახეს,
"ვინ ხარ შენ"?
თვალებს ახელს,
"მე ის ვარ, ვისაც ხედავ"
ამბობს ჩუმად.
ზონდირება წარსულში,
უაზრო ძიება სახელის, სახის,
ხავსს ჩაჭიდება,
ბღუჯა ბალახის მისაკუთრება თუ შეგაჩერებს.
იდეალური სიხარულის სურვილს
ჩარჩოს უპოვნი,
ლურსმანზე ჩამოახრჩობ სურათს.
ფრენის სიხარულს
მძიმე საკუთრებად აქცევს,
კედელზე ჯვარცმული "გუშინ".
No comments:
Post a Comment